~ ONE TWO Sixx 2010 Live !!!! ~
JT Mannaley的團照舊一年一度盛大公演！！！！
明年一月廿六日目黑 Live Station。
這次助陣的有Joe，Sussy ......還有神秘嘉賓，這樣神秘，大家猜會是誰呢？？？
(我就猜Anchang
)
Vocal: TAKETO Guitar: Jean Tohru MANNALEY
Guitar: SUSSY Bass: IKUO Drums: JOE Guitar: HIDEAKI
Guest: ?????????
Official Site 可以訂票，有誰在那個時候途經東京去看看吧！
CUHK Summer Show ~Chromatism~
22-7-2006
心情複雜，有的悲喜交襲既一場 show...........
＊Cactus 
相信係幾新既 band，有的 JRock feel，感覺幾好。
＊Milkshake 7
Vocal 好有親和力，好攪笑，係睇得幾開心既一隊 Punk band！
＊Sexy Hammer
有一陣冇睇，竟然強左，heavy 左好多呀！！！
利害！！！
＊鐵樹蘭
一個星期內第二次睇佢地喇！
仍然好有氣氛，好強勁呀！
成晚既 band 大部份都幾有水準，同埋睇到大家都係進步緊，真係幾開心！！！
不過，呢場主要都係想睇 HOME 同 Eccentric。
其間，發生左的小插曲，真係有喜有悲 .........
首先，發現原來 Eccentric 成員都好中意 Az 架！
結它 Kit 話佢地未夾 band 之前已經成日去睇 Az 架啦！
呢日可以同 Az（雖然變左 HOME ) 同台覺得好開心呀！
知道左，我都覺得好開心呀！
自己中意既 band ，如果又互相中意既話，你話幾開心幾好！
簡直係夢幻之作呀！
所以，幾經辛苦，都要搵佢地一齊影張相！
開心呀！！！
新歌王 Eccentric 有兩首新歌登場！
﹣ Mirror (video clip)
睇睇下，發覺點解會中意呢個團呢，除左 vocal 可愛，結它好正，bass 好型，的歌啱聽之外.........
原來都好中意團員既髮型呀！！！
唔知點解，有的言論中意批評樂手打扮得「太靚」，我完全唔可以同意囉！
外型，裝扮，其實都係你想表達既整體感覺既一部份！
同演出一樣，都係一種表達方式！
你估 Hardcore 唔扮野咩？
Hardcore 都有 Hardcore 既扮相之嘛！
一個團，應該有屬於自己既隊型。
好唔同意的團求求其其就上台，除非求其係佢地型像既一部份喇！
講返轉頭，自從睇完 Dahlia 之後，就特別留意下鼓手Kin 的鼓，以新人黎講都幾好啦，編鼓幾有心思，又係我中意果種打法！
快的學成歸來喇！
呢首，特別送俾八月要去外國讀書，暫別香港既 Kin ：
Heaven ！(video clip)
然後，有新發現！！！
哇，F5？？？？？
噢......... HOME ！
由長髮變 skin head，好耐冇見呀校長，您好！！！
仲有 Highway 阿賢喎！！！
Alibi 咁多個 version，都係最中意阿賢果個囉，唱得好好！
（只可惜當晚的音效好差呀~~~~
）
呢晚 HOME 玩左幾首cover，最後係 Az「隱形俠」，嘩，好野！
興奮！
阿賢唱得好好呀！
點知..........
嗚嗚..........
阿 Joe 竟然放棄彈佢果段 solo ！！！
哇！！！
抗議呀！！！
Pay me back my money !!!!!!
終於............
呢晚就咁帶著一顆破碎的心，含淚獨自步入黑暗中消失.........
期待左好耐既一場 show！！！
果然冇令人失望！！！
06年 6 月 24 日，九龍牛池灣文娛中心。
好準時入場呀，最後一隊 band 仲喺台上 rehearsal 緊！
第一隊係 Luxury。
等左幾個月架喇 ~~~~
的歌全部都好聽呀........
新歌〔窒息〕，有個幾重型既 ending，意外驚喜 ！
一早背熟哂的歌，諗住一齊唱架嘛！！！
點知都冇人企出台前，又唔敢自己一個人企出去，唯有坐係度唱，哂曬的咁好 feel 既歌！
都係細場的氣氛好的！！！
不過，大場的音響又確實好的，真係針冇兩頭利~~~
第二隊係 Cube。
Louis 好多 fans ！！！
阿強又強左喎！
第三隊係 Howler。
又係首首歌都識唱架嘛，又係只可以坐喺個位度唱 ~~~~
坐定定喺度睇 Metal band ，真係世界十大奇景！ 
阿 Jim 今次終於唱到哂成首新歌〔放下從前〕(Rehearsal 片段) 喇！！！
覺得佢地玩得又行左，又進步左呀！
然後係 DSC。
一出場觀眾已經拍爛手掌，睇黎佢地最多 fans 呀！
當然首首歌都勁啦，結它同 bass 一齊反手 tapping 果首睇到！
個鼓又勁！！！
不過自己就中意〔西域〕（點解冇人出黎跳舞呢？？？一定好好玩呀！！！），
同〔十面埋伏〕（扮琵琶扮得超似呀！！！）多的。
然後，就係由告別 indie band 壇成年既 Az 大部份成員組成既 Home。
呢晚係被視為復出之 show ，好多人都拭目以待架！
一出場係 Az 主打歌 〔隱形俠〕，vocal 換左人，首歌就行左。
好耐冇睇，睇返真係幾感動！
之後換左人靚聲甜既 vocal 美眉，玩左兩首 cover；
然後由一男一女兩個新 vocal 合唱阿 Joe 既 〔Alibi〕，呢首歌流傳江湖好耐架啦，第一次睇到 Live 版，開心呀！
之後， Home 同左 Hardpack 合 band 玩左兩首歌，以Az〔Sexy Snipper〕壓軸。
好耐冇見既阿 Joe 哥：
都係咁型！
(HOME rehearsal & 訪問）
跟住係 Highway ......
不過因為好餓（十點半都未食飯~~~~~）所以又跟左 Howler and friends 去打邊爐。
係咁食，食左好多野......
又打聽到 Howler 既未來新歌會係咩風格，又睇埋 Blackwine 喺無線音樂台既訪問，傾到三點幾先散。
真係好充實既一晚！
PS :
開場前意外見到原本要閉關修練既 Eccentric 都黎左睇呀 ！
係囉！！！
Indie band 係應該支持返 indie band 架嘛！！！
