~ Music Gig 5th Anniversary Gig !!! ~
(19-6-09@Yo Park)
好好睇,好強好行好爆既一場 show …….
講多無謂,睇片!
首先係 Never N 既「我就是我」!
(阿華既 solo,屈機呀 ,一定要睇到最尾!!!)
嗚嗚…….的聲出得超好!T-T …
仲有超爆既「精武英雄」!!!
睇左咁多次,最爆呢次!
好中意呢個solo既彈法!!!
冇見半年,Never N 又 power up啦,唔係講笑!
觀眾都好強啊!
呢班觀眾癲到爆…….(果然!)
呢場 Music Gig五周年既show其實期待已久,真係好強陣容既 show!
Howler好耐冇睇啦!
(因為佢地休息左好耐)
點知去得遲,入到場已經逼爆,唯有第一次,好後好後咁睇Howler ~~~
真係第一次咁後得自已一個人喺度唱「燃點起我的生命」「只有這迷糊的一雙眼睛,一再讓我看清」「Fly me to hell!」
已經好大聲,不過阿Jim都係聽唔到架喇 ~~~~
後來佢問係咪唱得好左。
唱得係好左,不過最 impressive 都係結它彈得好好!
(駛你講?不溜都咁勁啦!)
意思係又勁左囉!
跟住係 No Excuse。
好似又係話有的野,攪到人家鬼咁緊張!
究竟係咩呀?
阿 Ting變左金毛?
細佬個頭紅左?
Cover左 Siam Shade ?
原來係X!
Weekend同 Kurenai!!!
Weekend就好多人都玩過啦,Kurenai 就真係幾驚喜!
Vocal好努力呀!
可惜太少啦,至少三首喇!
然後 Crazimalz。
係傑佬既團,又係好耐冇睇 ~~~
冇諗到原來阿李 …….. Gould 都喺度,唔係好似係另一隊既咩?
冇睇好耐,真係又勁左!
仲打斷左鼓棍 ~~~
又 diving …..
中間傑佬宣佈呢次係佢地最後一次演出!
不過好相信熱愛音樂既佢唔會咁輕易就放棄既,一定會繼續玩落去既!
期待新組合!
之後同阿 Gould傾左兩句,佢都話會繼續夾落去,可能會夾下 Metal。
(Metal?Anyone said Metal? Kira kira …….
)
跟住係 Blackwine。
今次唔係玩「循環不息」係玩返的舊歌,感覺上爆好多!
前輩團果然就係前輩團!
(有人話阿Jim的鼓好過結它喎!唔係卦?雖則的鼓又係幾勁!)
睇完哂,十二點幾,結果就係好攰!
好可惜張羅之下都係影唔到一張大合照~~~~~
其實,八十蚊包一杯飲品,太超值喇!