September 27, 2008

• ~ "Rock Autumn Festival" @N Set Music  ~
                               (27-9-2008)

  今晚去左睇 show。
  如果大家用得幾千蚊坐飛機去外國睇 show ，點解喺自己香港只係幾十蚊都唔去睇呢？
  自從上次喺東京睇過同阿修同場果的日本 indies，先發覺香港的 band 原來都有返咁上下！

  不過香港的 show 就成日唔準時，好似今晚話七點，點知八點三去到都仲係 set 緊野，係咪叫的觀眾以後都唔駛準時？？？

  第一隊上台，KB 好好聽！
  KB 手 .......咪以前 800 果個？
  都睇過好幾次，利害架！
  而家呢隊新 band  （？）叫 T.S，玩 Fusion ~~~~
  
  仲好似話啱啱贏左個比賽？
  But Fusion.... really not my cup of tea ~~~
  （如果第時 Panther 又玩呢的就慘喇 ~~~）
  不過最後首 Heroic Epic 幾好聽，結它手速彈好得又有 feel，音色都好好，真係後生可畏！

  第二隊係 Masquer 。
  
  J Rock  feel （我覺得似咋）都幾好。

  鼓手，原來係 Gould 生，好耐冇見！
  

  睇睇下，點解 vocal 會唔同左樣？
  咦，呢隊係 Masquer 唔係 Mafia 呀！
  哈哈 ........攪亂左 .....
  因為同樣 M字頭，風格都有的似嘛！
  （同埋 vocal 真係同一個人，Cain，只係剪左頭髮咋！）

  之後係陣容龐大，有６位成員既 Poisonous Lotus 。
  
  聽個名仲以為係 V 系，原來係玩 Nana 同中島美嘉既歌！
  覺得佢地隊形幾好，台上既感覺幾舒服。

  值得一提，呢晚的燈光雖然唔多仲好似臨時攪，不過出黎效果都幾靚同有的氣氛。
  同埋以咁細既場，的聲都ＯＫ呀！
  （除左開頭左邊大左小小左耳有的 wunk）
  見 panel 哥哥都好認真咁 ......
  

  到 Eccentric .....
  嘩，駛唔駛咁快圍呀？
  

  佢地玩左兩首新歌，同埋三首半新舊，反為的經典歌就冇玩！
  大家都越黎越型呢！
  
  
  結它 Kit ，picking ........又勁左啦！

  因為想試下部新相機 .....所以係咁影。
  都係未慣，偏黑，太鬆，但幾中意個 tone。
  
  
  
  
  
  自己幾中意呢張！
  ( eccentric  feel ...... Jason 個位食到的光幾靚！）
  
  
  PS.
  之後仲有一隊，不過成十二點，所以趕搭車冇睇喇。
  是晚，最勁係 T.S ；最想睇，仍然係 ECC 囉！

  • 4:25 pm
  • 4 Comments