December 17, 2006

• ~ Struggle Tone 3 ~
         (16-12-2006)

  近聖誕，呢排好多 show 睇！
  其實呢，就算平日都越來越多 band show 喇，而且仲越黎越準時，真係好事！！！
  好似呢晚，又係好準時，攪到第一隊只睇到最後一首歌！

  ＊Nameless
  
  第二三次睇喇，幾好 feel 既 Punk(?) Rock band ！！！

  ＊觸執毛
  
  除左個名得意之外，England Rock，都玩得ＯＫ好。

  ＊Howler
  
  通常佢地出 show 都會影下野，不過呢次 Jim 話冇新歌，所以疊埋心水做觀眾囉！
  原來，好鬼感動呀！！！

  因為比平時企後左，的 vocal，的鼓聽得清楚好多........
  阿 Jim  唱得好好呀！
  咩 Kenneth 的鼓勁左咁多既？？？
  成隊又行左喎！！！
  好感動，好開心...........

  
  Randy 的 solo 好好聽！

  明明話行貨，點知臨尾又玩左 Creeping Death......
  
  觀眾唔知幾 high，玩哂 mosh 囉.......

  ＊ Empty Tomb
  
  呢隊原來喺 【'06青年音樂節】睇過，仲係冠軍得主添！
  唔怪得！隊員玩得好投入，雖然的歌 pop pop 地，
  俾人感覺都好 Rock ，好 feel ！

  ＊Adversary
  
  又話暫休既？呢晚見返真係有的驚喜！
  都係一貫好行既 Melodic Black 啦！
  不過 vocal 好似唱得好左（可能其實係因為自己企後左）
  不過果時有好多人喺度 moshing，攪到睇唔清楚的結它囉！！！
  
  結它 Ron 又型又勁呀！！！
  （絕對唔係因為著左 Arch Enemy tee 喎 ）

  ＊發覺 Live House 左邊個結它 Amp head 係 Marshall JCM2000，同阿修而家用緊既一樣！
  但係點解的 lead gt 反而通常都會用右邊個果 JCM900 呢？？？
  
  呢晚都見到好多 band 友！
  Maniac 傑傑話 Python 31號有 show，不過我去唔到囉，殘念~~~~~
  佢仲話唔知幾時會再有囉~~~~~

  睇完成十一點半，趕快去下一場！
  哈哈，呢晚，終於 Howler Legend 再現！！！
  【Live 後麻辣大會】呢重出江湖.......
  
  仲有 Sharon & friend，大哥承同 Blackwine Jovi。
  睇下佢地幾有一家人 feel.........（爆走 ）

  呢家的麻辣真係幾得！
  雖然感冒都一於以毒攻毒！
  一邊食一邊傾（除左【飄零燕】Metal 版研究，恐怖片，究竟仲傾左咩？？？），
  返到屋企已經四點半！

  • 11:02 am
  • 2 Comments