October 22, 2006

• ~ ANGRA Live in Hong Kong ~
                 (22-10-2006)

  
  
  Angra 既飛，HK$350，都幾貴，不過喺香港都好少可以睇到呢的國際 Metal
  團，十年冇一次，算啦！
  （最近又 miss 左 Lacrimosa........遲的
  Malmsteen 又太貴冇錢睇..........）
  而且係
  Live Pub 表演，氣氛會好過的咩展覽中心卦？

  其實，只係想睇 Kiko
  .......
  
  
  結果...........

  High！！！

  最 impressive 呢，係呢隊國際級樂隊 好 friendly！
  每個團員都會同觀眾有眼神接觸（唔似某人話見唔到觀眾既！），
  會同觀眾招呼, 握手之外，Vocal 仲任摸（頭髮）唔嬲！

  啡色長綣毛既 Kiko 真人原來好靚仔！
  佢呢，solo 任影不特只，仲會伸個頭埋鏡頭度扮鬼臉添呀！
  （咩佢唔驚俾人影左，第時的人睇片唔睇 Live 咩？？？
  唔驚俾人偷師咩？？？嘿嘿嘿........ ）

  真正勁既人點會咁斤斤計較丫！！！

  因為想企到前的，所以未夠七點就去到 EDGE，已經有十幾人排緊隊。
  排左一陣，先見到團員們施施然到場，都知一定會遲喇！
  果然等到成八點九先入到場。（仲引起警察哥哥黎查問，梗係，成街黑衣人！）

  排緊果陣見到 Michael，原來佢黎幫 Kiko 手，講起佢話 Kiko 支仔的聲唔係幾得（哈，係呀，因為佢不溜愛祖國用國貨囉！）
  話口未完，呢晚佢竟然換左支 ESP 呀！（ ESP 萬歲！！！）
  原來，ESP 都出左 Kiko model ......
  今晚就係用呢支：
  
  (Photo from ESP Official Site)

  Non stop 玩左大概個半鐘，散場，冇 encore。
  買左 DVD 去簽名，仲同到三位結它手握手！
  Kiko 只手好柔軟，果然，係勁既結它手呢！
  

  ANGRA 呢類  Symphonic Progressive Power Metal 團都係第一次睇咋！
  
  ANGRA 啱啱14 號出席完東京 Loud Park Festival, 最左係勁鼓佬，中間露腰咪就係風騷 vocal 囉！
  (Photo from ANGRA Official Site)
  隊員個個都長毛，好啱 feel 啦，音樂呢，睇落先知！

  開頭企喺 Kiko 的 effector 前面，諗住佢實會企喺度架，點知，佢就成日走左去中間秀 solo！
  （一早應該諗到的結它手點肯老老實實企埋一邊~~~~ ）
  不過，個鼓就睇得好清楚，巴西鼓，真係超正！！！
  （貨真價實雙大鼓呀！！！）
  但係整體就聽唔清，所以半場就走左去後面中間，呢度成個場睇到哂！

  呢晚，我諗除左我之外，個個觀眾都係 fans 卦，所以好多歌都識跟住唱！
  到下半場，氣氛越黎越 high！
  團員個個都好落力鼓動觀眾，真係打成一片咁，所以大家都好投入！

  原來，另一支結它都唔弱架，雖然間中有小小甩！
  Kiko ，唔駛講，好穩好輕鬆，技術，一個字，勁！

  不過呢，發覺呢類團，果然，都係唔係好啱聽呀！（逃........）
  結它係勁啦，但係行果的 scale 呢，難係難，特別係特別，不過真係唔啱我囉。
  大部份歌既 riff 又好單調，有的悶........（fans 別追殺 .....）
  咁講，係咪好反高潮呢？？？

  雖然係咁，仍然覺得值得睇囉！
  睇下人地現場既 presentation，國際級 Metal 團，真係冇幾何！！！
  （其實，我個心裡面好掛住 SMG 呀，嗚嗚...........）

  ＊ 今晚場 show 大概有百二三人，尋日台北果場據說有三百左右，我地都唔係差人好遠唶！
  
  ＊（Kiko 自己結它 CD "No Gravity" 全曲試聽)
  好聽過 Angra 咁喎........
  Playing Enfermo :
  
  ＊冇相，因為借返黎部機都壞埋~~~~
  有冇人有靚相呀？
  
  
  

  • 1:57 pm
  • 2 Comments