July 23, 2006
-
Checker 33 10th Anniversary Live
昂然進入【睇 Live 雙周】既第二周！
雖然越睇越 high，不過開始有小小索氣啦！
今晚場 show 喺元朗一間 bar 裡面，原本諗住冇咩野，點知，竟然有好多驚喜喎！
首先，間 bar 好有懷舊氣氛，直情有種「樂滿夏灣拿」 feel ，超 cool ，勁中意！
＊Ming's Brothers
六十年代老歌。
連第一隊演出既樂隊都夾哂 feel 呀！睇真的，其中一位結它手，原來，戴左條..........
骨骨頸鍊呀！！！
莫非..........是隱世高手？？？＊ Special Case
幾特別既 young band ，自成一格，好有音樂感。
Vocal 唱得好有 feel！
幾中意佢地的自己歌既題材：辦公室政治，有 cert 大哂，好貼身。＊No Excuse
好中意呢個名：No excuse 呀，聽到未？？？仲唔去練野！！！
一個好有 attitude 既名！！！
（＊「沒有任何藉口」是西點軍校奉行的最重要的行為準則,
它強化的是每一位學員想盡辦法去完成任何一項任務,
而不是為沒有完成任務去尋找任何藉口, 哪怕是看似合理的藉口.
其目的是為了讓學員學會適應壓力, 培養他們不達目的不罷休的毅力.
它讓每一位學員懂得:
工作中是沒有任何藉口的,
失敗是沒有任何藉口的,
人生也沒有任何藉口.）
呢晚知道係佢地既處女秀，所以都冇咩期望...........
得唔得架？？？
其實有的半信半疑！
（仲一早 warn 定的同行友人：新 band 黎架咋，唔好要求咁高呀！）
嘩，原來，都好 Rock 喎！！！
玩左七首都係 cover 歌啦，It's My Life, Sweet Child 'O Mine, 18 and Life, I Don't Know .........
結它手 Ting 同 bass 細佬 都係一邊彈一邊勁 fing，型呀！最 impressed 係玩 Crazy Train，同 Zombie 果時，結它 Ting 真係深入群眾，的客就拍哂手掌，氣氛超爆！！！
好耐冇見到呢種場面啦！！！
叮，成個人醒哂呀！
Crazy Train !!! (video clip) （好驚呀，阿咩上左身呀！！！
）現場氣氛真係好重要！
樂手玩得投入，帶動到氣氛，觸動到觀眾，有的時候比技術更加重要囉！嘩，我愛歌黎架！！！
一邊影，一邊都忍唔住跟住唱，跟住揮手，超 high！！！
唔啱咩？？？
聞歌起舞，手舞之，足蹈之，二千年前詩經教落架，阿孔子 sir 都話正呀！當然，呢晚結它 Ting 完全發揮小宇宙，有心 show 料喎！
知你勁喇，一邊彈琴一邊隊啤都得，駛唔駛隊足成分鐘呀？？？
不過現場觀眾都唔知幾受，又係拍哂手囉！所以呢，現場觀眾都好重要！
呢晚黎睇既人，除左少數友團之外，年紀都比較大，我估都係專誠黎聽野既，比較識得 appreciate卦？
呢的咁既場，正！！！樂團？ 咪繼續練野囉！！！
PS.
呢晚竟然做左一件天怒人怨既事，就係喺下個團進場果時，我地就走左出去！！！
對唔住呀，Jon Ford & the Four X ！
不過果陣好 high，想搵 No Excuse 影相兼傾兩句，點知出左去就返唔到埋台，呢隊外藉人士既團都好人氣呀！
之後又想食涼粉，又要趕尾班車，走左囉。
下次啦！
有機會都想再去呢度睇 show 呀！
另一位觀眾 Macs san 既 Live Report 兼靚相！
（＊本篇靚相提供者）
